حذّرت الإعلامية ياسمين عز من خطورة المحتوى الذي قد يتعرض له الأطفال عبر تطبيق «تيك توك»، رغم ما يقدمه من مواد ترفيهية ومفيدة، مؤكدة ضرورة متابعة الأبناء وعدم تركهم يتصفحون التطبيق دون رقابة.
رسالة من ياسمين عز للسيدات
وقالت ياسمين عز، خلال تقديمها برنامج «كلام الناس» على قناة MBC مصر: «التيك توك زي ما هو برنامج مفيد ومسلي لكن هو خطير ولادكم بيطلعلهم حاجات غريبة وبيتفرجوا على حاجات غريبة من يومين بعمل كده نزلت لي حاجه قليلة الادب خالص معرفش ظهرت منين وأنا كل موبايلي مؤدب».
وأضافت: «منسيبش الحاجات للأطفال.. لأن الحاجات دي لا تتناسب معاهم.. أنا الكبيره اتخضيت ما بالك الطفل.. وبعدين ده هيملهم تعفن دماغي».
كما تحدثت عن تجربة الصين في التعامل مع المنصات الرقمية، قائلة: «ده مش بيحصل في العالم في الصين مفيش حاجة اسمها تيك توك عندهم في تطبيق طبق الأصل اسمه دوين مملوك في نفس الشركه عنده 600 مليون مستخدم لكن هو للأطفال ومش بيعرض للأطفال نفس المحتوى اللي بيتعرض بره الصين وهو بيعرض محتوى وطني وثقافي وتاريخي في توقف إجباري خمس ثواني بين كل فيديو والتاني وده ضد الأعلانات لكن الحكومة مصرة على ده علشان نستعيد وعي الطفل والتطبيق بيفصل بعد 40 دقيقة إجباري علشان منفضلش طول اليوم ماسكين الموبايل».
وفي سياق آخر، وجهت ياسمين عز رسالة لمتابعيها طالبتهم فيها بالتركيز على مضمون ما تقدمه بدلًا من الاهتمام بالتفاصيل الشكلية، قائلة: «ركزوا في المحتوى بتاعي يا جماعة ومتجيش واحدة تقولي الأيلاينر مش مظبوط أو أعملي بلند للبلاشر.. البلند حرام والبلاشر حرام.. يا جماعة نركز على المحتوى مش فسافيس الأمور.. يعني بتعملي معايا كدا ومتعرفنيش أمال بتعملي إيه مع جوزك متركزيش على فسافيس الراجل».
