كشف النائب عمرو درويش التحديات التي تواجه مصر على كافة الاتجاهات الاستراتيجية، معلقا: اللي عايز ينظر لمسألة مجابهة التحديات، ينظر لوضعنا في 2013 وينظر لوضعنا في 2025، ينظر كيف استقبلت كتير جداً من أنظمة الدول سواء كانت في محيطنا الإقليمي أو محيطنا الدولي ثورة 30 يونيو، وإزاي النهاردة أنت رقم مش فعل، أنت رقم أساسي في كل عملية بتحصل سواء كانت على مستوى الإقليمي أو مستوى الدولي.
وتابع خلال لقائه مع الإعلامي مصطفى بكري ببرنامج حقائق وأسرار المذاع على قناة صدى البلد: إحنا فخورين بالدولة المصرية، فخورين برئيسنا، سعداء إنه موجود بقوة، فخورين جداً بمؤسساتنا الوطنية، اللي مر على مصر في الـ 12 سنة دول، إحنا كنا بنقراه في كتب التاريخ، عمرنا ما كنا نعتقد إن إحنا هنعيشه، خلينا نكون صرحاء.
وأضاف عمرو درويش: إحنا لازم دايما نفكر المواطن إنه إحنا قاعدين النهاردة بنتكلم وإحنا مستريحين، في دول تانية، محدش يقدر يتكلم.
واختتم عمرو درويش: المواطن زعلان لأنه نفسه دايما جيبه يبقى مليان، لكن لا ينفي ذلك إن أنت في ظل وطن آمن مطمئن حتى وأنت كمواطن بتنتقد، بتبقى قاعد على الكرسي وأنت بتنتقد وقاعد في بيتك آمن مطمئن، آمن على أولادك وأسرتك، المشهد اللي مصر بتديره مشهد في منتهى الصعوبة، لأنك أنت أول مرة في تاريخك بهذا الشكل، مهدد من كل حدودك.
