أشاد الإعلامي عمرو أديب بالفنان محمد رمضان خلال استضافته في برنامج «الحكاية»، مؤكدا أنه أصبح واحدا من أبرز النجوم في الوطن العربي.
وقال عمرو أديب: «قليلين هما الفنانين اللي أخدوا مكانهم خلاص، وهناك فنانين يصلون إلى مرحلة يصبح فيها وجودهم وحده حدثا»، مضيفا: «لازم تبقى عارف إن إنت عندك كيان فني كبير، تحب وتكره، تبقى معاه أو ضد بعض تصرفاته، يعجبك عمل وما يعجبكش عمل، لكن في نهاية اليوم إنت قدام شخصية غير عادية».
وتابع: «حتى لو حد قال إنه مش نمبر 1 أو نمبر 2، في النهاية إحنا قدام راجل موجود في الحتة دي، أي حاجة يعملها بيبقى ليها رواج، وليها دوشة واهتمام، ويبقى ليها ناس مع وناس ضد، وهو ده الفنان الحقيقي، وهو ده النجم».
وأضاف عمرو أديب أن محمد رمضان استطاع أن يصنع لنفسه مكانة فنية كبيرة، قائلا: «هو بحق قدر ياخد مكانة لا نستطيع إن إحنا نتناقش فيها كتير، خلاص الراجل وصل للحتة دي وبيفكر من المكانة دي».
وأشار إلى أن الجمهور دائما يترقب خطوات محمد رمضان الفنية، موضحا: «تقعد تستنى كل سنة هيعمل إيه؟ هينزل أغنية؟ يعمل فيلم جديد؟ طب نروح نتفرج عمل إيه وجاب إيه وراح فين».
أعرب محمد رمضان عن سعادته بكلمات عمرو أديب، قائلا: «حبيبي عمرو، سعيد بكلامك جدا، وكلامك وسام على صدري، وإنت الإعلامي الأهم في الوطن العربي، والكلام ده هيبقى في تاريخي في يوم من الأيام».
وقال عمرو أديب: «ليا عندك 300 ألف جنيه ليه ما تدفعهمش؟»، ليرد محمد رمضان : «أنا معايا 300 جنيه دلوقتي تاخدهم».
