قال الفريق كامل الوزير، وزير النقل، «لأول مرة في مصر نعمل بمنظومة النقل الذكي، منظومة النقل الذكي احنا الوقت بننفذها على 7 طرق رئيسية القاهرة الإسكندرية، والقاهرة الإسماعيلية، والقاهرة السويس، والدائري الإقليمي، والدائري العادي، وشبرا بنها، خلصنا شبرا بنها بالكامل».
وأضاف «الوزير»، عبر برنامج قناة المحور: «كل من هو على طريق شبرا بنها هو حاليا مؤمن بنسبة 100%، انت ماشي على الطريق متشاف وشايف كل حاجة، شايف على شاشات قدامك درجة الحرارة ودرجة الرطوبة، والطريق ده مغلق ولا مش مغلق، في حادثة في الحتة الفلانية تجنب تمشي هنا، كل حاجة».
وتابع: «أمامك محطة بنزين ومحطة خدمة في الكيلو كذا على مسافة كذا، ونقطة إسعاف في الكيلو كذا على كذا كيلو، وعلى التليفون بتاعك المحمول، وعلى الراديو بتاعك جايلك كل البيانات اللي انت عايزها، كل المعلومات اللي ممكن يبقى أي سائق عربية محتاجها هيلاقيها على الشاشات قدامه على الطريق».
وواصل: «تجد أيضا كاميرات على جانبي الطريق جايبة كل حاجة بالحارة، ده ماشي في الحارة دي وده ماشي في الحارة دي، كل حاجة متشافة، كل حاجة بتقدم لك خدمة التأمين، نقطة ومركز أمني موجودة غير مناطق البوابات، البوابات دي احنا مسمينها نقطة السيطرة الأمنية».
مخاطر وضغوط حرب إيران على المشروعات
كما أشار إلى مخاطر وضغوط حرب إيران على المشروعات، وكشف لأول مرة عن المشروع الحلم اللي بيأمل تنفيذه بجانب استعراضه لأهم مشروعات 2026.
وقال: «هل تعلموا إن العاشر من رمضان حتى الآن لم يصلها أي وسيلة مواصلات جماعية سواء أوتوبيس أو قطر؟»، متابعا: «العاشر من رمضان أهم مدينة صناعية سكنية وكل حاجة في مصر، لم يصلها قطر لا من القاهرة ولا من بلبيس».. مواصلا: «النهاردة بنعمل بقرض من البنك الدولي قطر يصل الروبيكي، طريق السويس، والمدينة الروبيكي بالعاشر من رمضان، والميناء الجاف والمنطقة اللوجستية والمنطقة الصناعية ببلبيس».
