كشف الفنان الشاب مصطفى سليمان عن كواليس مهمة في حياة الفنان الشاب الراحل أحمد جلال عبد القوى، والذى توفى فجر اليوم الأحد بعد صراع قصير مع مرض السرطان.
وقال الفنان الشاب مصطفى سليمان فى مداخلة هاتفية لتليفزيون اليوم السابع: “إن لله وإنا إليه راجعون.. كلنا رايحين في نفس المصير.. أحمد من الناس الطيبة جدا.. وكان بياخد علاج قوي مرض العمود الفقرى، اللى كان محتاج مسكنات جامدة”.
وأضاف سليمان قائلا: “أنا من النهاردة الفجر كنا في مستشفى الواحة بمنطقة حدائق الأهرام.. من الصدمة نزلوا خبر الوفاة وبعدين نفوه من شدة الصدمة، وده عشان مفيش حد يكلم والده.. فربنا يصبرهم”.
“الليل وآخره”و”حضرة المتهم أبى” جمعا أحمد جلال عبد القوى ومصطفى سليمان
وأكد سليمان في تصريحاته لتليفزيون اليوم السابع قائلا: “أحمد أنا اشتغلت معاه مسلسلين “الليل وآخره”، و”حضرة المتهم أبى”، وكنا بنصور المسلسل الواحد من 4 لـ 5 شهور سواء فى مسلسل “حضرة المتهم أبى”، كنا بنصوره فى أستوديو الأهرام.. أو مسلسل “الليل وأخره”.. كنا بنصوره في أستوديو نحاس… فكنا واكلين شاربين مع بعض طوال فترات تصوير المسلسلين.. وإحنا دفعة واحدة في المعهد العالى للفنون المسرحية”.
وتابع سليمان حديثه قائلا: “أحمد من الناس المهذبة جدا وأهله ناس مهذبة جدا.. ناس في قمة الأدب والاحترام والذوق.. أحمد ماكانش ليه أصحاب.. كان منطوى.. كان في حاله.. واللى الناس ما تعرفهوش إن أحمد عمل عملية في ضهره بتحتاج مسكنات عالية وبتنزل جدول.. ربنا يرحمه ويثبته عند السؤال ويارب يكون عند النبى عليه أفضل الصلاة والسلام”.
