حذر عميل من شركة أورا للتطوير العقاري ، بعد صدمته بسبب التشطيبات بعد الاستلام، مستعرضا فيديو عن الوحدة التي دفع فيها ملايين الجنيهات.
وقال العميل فى شكواه على صفحته الشخصية: احذروا قبل الشراء في “أورا”..ملايين في الأرض واستلام “تحت الصفر”! يا جماعة، الصور والفيديوهات اللي أنتم شايفينها دي لوحدة في مشروع تابع لشركة أورا (Ora Developers) المملوكة للمهندس نجيب ساويرس. الوحدة دي تمنها ملايين، وده اللي استلمته بعد انتظار أكتر من 6 سنين!
وتابع. شوفوا المأساة اللي وصلت لها الشركة:تأخير كارثي: شاري من 2019، والاستلام المفروض بعد 4 سنين، استلمت بعد 6 سنين من المماطلة، بلطجة مالية: الشركة مكنش عندها إدارة مالية وقت الشراء، ركنوا الشيكات 3 سنين وفجأة سحبوها كلها مرة واحدة وفرضوا عليا غرامات تأخير بمبالغ خرافية.. بيحملوا العميل نتيجة فشل إدارتهم!التشطيب (زي ما أنتم شايفين في الصور):
وتابع: دهانات الحوائط متآكلة ومقشرة كأنها وحدة مهجورة بقالها 20 سنة!الأرضيات غرقانة بقع دهانات ومتبهدلة تماماً وأبواب الحمامات مكسورة ومتهالكةو مستوى لا يليق أبداً بشركة بتدعي “العالمية” ولا بأسعارها المبالغ فيها.
وقال: يا بشمهندس نجيب ساويرس هل دي المعايير اللي بتوعدوا بيها الناس؟ هل يرضيك العميل يدفع دم قلبه وينتظر سنين عشان يستلم “المنظر ده”؟أنا بضع هذه الصور أمام الرأي العام وأمامكم كفرصة أخيرة لحل المهزلة دي، رد الغرامات غير القانونية، وإصلاح الوحدة فوراً لتطابق المواصفات اللي دفعنا تمنها.
